نئی دہلی(آن لائن)بھارت میں نچلی ذات سے بد سلوکی کا ایک اور واقعہ منظر عام پر آ گیا، دلت خاتون کو مورتی چھونے پر شدید تشدد کا نشانہ بنایا۔ریاست مدھیا پردیش کے چترکوٹ ضلع میں دلت خاتون کو اس وقت بد ترین تشدد کا نشانہ بنایا گیا جب وہ مندر میں رکھی مورتی کو چھونے کی کوشش کر رہی تھی، خاتون کے مطابق تین افراد نے مل کر اس پر شدید تشدد کیا۔تاہم متاثرہ خاتون کی درخواست پر پولیس نے ایک ملزم کو گرفتار کر لیا ہے، دلت ذات سے تعلق رکھنے والی کمیونٹی نے باقی دو افراد کی گرفتاری تک احتجاج جاری رکھنے کا اعلان کیا ہے۔