نیو یارک ( آن لائن ) پیرس میں دہشت گردوں کے حملے کے بعد امریکہ میں اسلام مخالف رجحان میں اضافہ ہو تا جا رہا ہے، ایسے میں ایک مسلمان خاتون نے امریکی جھنڈا اوڑھ کر ٹی وی پر اپنے عقائد اور حب الوطنی کا اظہار کرتے ہوئے مخالفین کو خاموش کروا دیا۔صبا احمد رپبلکن مسلم اتحاد کی بانی ہیں ،ایک ٹی وی پروگرام میں امریکی مسلمانوں کا دفاع کرتے ہوئے صبا نے اپنا سر امریکی جھنڈے سے ڈھانپ کر پروگرام میں امریکی مسلمانوں کو حاصل عبادت کے حقوق اور امریکہ کے آئین کے مطابق مذہب کے انتخاب ٹی وی پروگرام کے دوران ا±ن کے ساتھ موجود امریکی صحافی خاتون کا کہنا تھا کہ دہشت گردی کو روکنے کے لیے امریکہ میں مساجد کو بند کر دینا چاہیے۔ صبا احمد کا کہنا تھا کہ حجاب پہننے کا مقصد یہ پیغام دینا ہے کہ ہم امریکی ہیں، ہم مسلمان ہیں اور رپبلکن ہیں۔ صبا نے کہا کہ ان مشکل حالات سے لڑنے کے لئے سب کو متحد ہونے کی ضرورت ہے۔