ممبئی(نیوز ڈیسک ) پاکستان کے مایہ نازاداکارفواد خان نے بالی وڈ کےکنگ شاہ رخ خان کو پاکستان آنے کی دعوت دےدی۔بھارتی میڈیا کے مطابق فواد خان نےایک تقریب میں گفتگو کرتے ہوئے کہا کہ انہوں نے شاہ رخ خان کو دعوت دی ہے۔بھارتی فلم خوبصورت میں اپنی اداکاری کا لوہا منوانے والے فواد خان کا کہنا تھا کہ شاہ رخ خان ان کے اچھے دوست ہیں اورانہوں نے کنگ خان کو پاکستان میں مدعو کیا ہے۔تاہم شاہ رخ خان نے اس حوالے سے کسی قسم کے فیصلے کا اعلان نہیں کیا ہے۔پاکستانی اداکار فواد خان نے شاہ رخ خان کو یہ دعوت بھارت کی حکمران جماعت بھارتیہ جنتاپارٹی کے رہنماﺅں کی جانب سے ”پاکستانی ایجنٹ“ قراردئیے جانے کے بعد دی ہے۔واضح رہے کہ بھارت میں بڑھتی ہوئی انتہا پسندی کے خلاف شاہ رخ خان نے بھی اعلان کیا تھا کہ وہ اپنا احتجاج ریکارڈ کرانے کےلئے پدما شری ایوارڈ بھی واپس کرنے سے نہیں ہچکچائیں گے۔