نئی دہلی/ لداخ (آئی این پی)دنیا کے بلند ترین محاذ جنگ سیاچن گلیشئر میں برفانی تودہ گرنے سے بھارتی فوج کا کیپٹن ہلاک ہو گیا جبکہ دیگر 15 اہلکاروںکو بچا لیا گیا ۔بھارتی میڈیا کے مطابق جموں وکشمیر کے لداخ سیکٹر میں واقع سیاچن گلیشئر میں برفانی تودہ گرنے سے فوج کا ایک کیپٹن ہلاک ہوگیا جبکہ 15 فوجیوں کو بچا لیا گیا ۔ادھمپور کے دفاعی ترجمان کرنل ایس ڈی گوسوامی کا کہنا ہے کہ بھارتی فوج کی ایک گشتی پارٹی سیاچن گلیشئر کے جنوبی علاقے میں برفانی تودے کی زد میں آگئی جس پر فوری طور پر ریسکیو آپریشن شروع کردیا گیا اور 15 فوجیوں کو زندہ بچا لیا گیا تاہم ریجمنٹل میڈیکل آفیسر کیپٹن اشونی کمار کو زندہ نہ بچایا جاسکا۔