ممبئی(نیوز ڈیسک )بولی ووڈ انڈسٹری کی معروف اداکارہ بپاشا باسو اور اداکار کرن سنگھ گروور کے درمیان قائم مبینہ تعلقات اکثر اوقات خبروں کی زینت بنتے رہتے ہیں۔ اداکار کرن سنگھ گروور نے حالیہ انٹرویو کے دوران میڈیا کو بتا یا کہ وہ اور بپاشا ایک دوسرے کے بے حد قریب ہیں ،اور اس قربت میں مستقبل قریب میں اضافہ ہوگا۔انکا کہنا تھا کہ ہم دونوں ایک ساتھ کام کرتے ہیں ، ساتھ رہتے ہیں اور سب سے بڑھ کر ایک دوسرے کی قربت میں سکون پاتے ہیں۔اداکار کرن سنگھ گروور اور بپاشا باسو حال ہی میں نمائش کیلئے پیش کی جانے والی ہارر فلم ”الون“ میں ایک ساتھ اداکاری کر چکے ہیں۔واضح رہے کرن سنگھ گروور ما ضی میں ٹیلی ویڑن اداکارہ شردا نگم اور جینیفر ونگٹ سے شادی کرکے علیحدگی اختیار کر چکے ہیں۔اداکار آجکل وشال پانڈیا کی نئی آنے والی فلم ”ہیٹ سٹوری3“کی شوٹنگ میں مصروف ہیں۔ ”ہیٹ سٹوری 3“میں اداکارہ زرین خان ، ڈیزی شاہ اوراداکار شرمن جوشی بھی اہم کردار ادا کر رہے ہیں۔