نئی دہلی(آن لائن) بالی ووڈ دلکش اداکارہ سونم کپور نے کہا ہے کہ پاکستانی اداکاروں کو بھارت میں کام کرنے سے نہیں روکا جانا چاہیے، بھارتی اداکاروں کو پاکستان سمیت دنیا بھر میں کہیں بھی کام سے نہیں روکا جاتا ،فواد خان کو اپنے خاندان کا حصہ سمجھتی ہوں، ان کے ساتھ پہلے بھی کام کرچکی ہوں اورآئندہ بھی کروں گا۔ایک تقریب کے دورانصحافیوںسے بات چیت کرتے ہوئے انہوں نے کہا کہ جب ہمارے فنکاروں کو دنیا بھر میں کہیں بھی کام کرنے کی اجازت ہے تو پاکستانی فنکاروں کو بالی ووڈ میں کام سے کیوں روکا جا رہا ہے۔اداکارہ کا کہنا تھا کہ وہ اپنی فلم ”خوبصورت “ میں پاکستانی اداکار فواد خان کے ساتھ کام کرچکی ہیں اور انھیں اپنے خاندان کا حصہ سمجھتی ہیں۔سونم کا کہنا تھاکہ ان کے بہت سے بہترین دوستوں کا تعلق پاکستا ن سے ہے تو کیا اب وہ محض چند لوگوں کی باتوں پر کان دھر کر ان سے دوستی ختم کردیں۔30سالہ اداکارہ کا مزید کہنا تھا صرف مذہب ذات یا نسل کی بنیاد پر انسانیت کو پیچھے نہیں چھوڑا جا سکتا۔سونم کپور آج کل فلم ”پریم رتن دھن پایو“کی تشہیرکے سلسلے میں سلمان خان اور ٹیم کیساتھ نئی دہلی میں ہیں۔
مزید پڑھئیے: ذولفقار مرزا کے آصف زرداری کے بارے میں ایسے نازیبا الفاظ جو آپ کو شرمندہ ہونے پر مجبور کر دیں گے

اعجاز خان کے اپنی سابقہ اہلیہ ریحام خان کے متعلق تہلکہ خیز انکشافات