دبئی (نیوزڈیسک) متحدہ عرب امارات میں چمچماتی گاڑیوں کا میلہ سج گیا ، وائٹ گولڈ سے مزین کار سب کی توجہ کا مرکز بن گئی ۔ جدید لش پش گاڑیوں کے شوقین متحدہ عرب امارات کا رخ کریں ۔ دنیا بھر سے سو آٹو کمپنیوں کی جانب سے دبئی انٹرنیشل موٹر شو میں جدید ماڈلز کی گاڑیاں نمائش کے لیے رکھی گئی ہیں ۔ چوبیس قیراط وائٹ گولڈ سے سجی 650 ایس سپائیڈر دیکھنے والوں کو دل للچاتا رہا ۔ چینی آٹو برانڈز بھی اس شو کا اہم حصہ ہیں ۔ ہفتے تک جاری رہنے والے اس شو میں کلاسک کے علاوہ خواتین کے لیے خصوصی گاڑیاں بھی متعارف کروائی جائیں گی ۔