نئی دہلی(نیوزڈیسک)بھارت کو مطلوب گینگسٹر چھوٹا راجن کو انڈونیشیا سے دلی منتقل کردیا گیا۔ ممبئی میں چھوٹا راجن پر سنگین جرائم کے 75مقدمات درج ہیں۔ چھوٹا راجن کو لے کر خصوصی پرواز دلی کے پالم ائیرپورٹ پر اتری، جہاں سیکورٹی کے سخت انتظامات کیے گئے تھے۔ بھارتی میڈیا کے مطابق چھوٹا راجن کو سی بی آئی کے ہیڈ کوارٹرز لے جایا گیا ہے۔ ممبئی ڈان چھوٹا راجن کا اصل نام راجندر سداشیو نکالجے ہے۔ وہ 20سال سے زائد عرصے تک مفرور رہا۔ انٹرپول نے 1995میں چھوٹا راجن کو انتہائی مطلوب افراد کی فہرست میں شامل کیا۔ اسے 25اکتوبر کو انڈونیشیا کے بالی ائیرپورٹ سے گرفتار کیا گیا تھا۔