ممبئی( آن لائن ) بالی ووڈ اداکار سلمان خان کا کہنا ہے کہ پاکستان سے بھارت واپس آنے والی لڑکی گیتا جب اپنے والدین سے مل لے تو پھر وہ ان سے ملنا چاہتے ہیں۔ سماعت اور گویائی سے محروم گیتا کی پاکستان سے بھارت واپسی تو ہو گئی ہے لیکن اب تک وہ اپنے حقیقی خاندان کی شناخت نہیں کر سکی۔ گیتا کے اصلی ماں باپ ہونے کا دعوی بہت سے لوگ کر رہے ہیں اور اسی وجہ سے ان کا ڈی این اے ٹیسٹ بھی کرایا جا رہا ہے۔ ان سب باتوں پر حیران ہوتے ہوئے سلمان خان نے کہا یہ صورت حال بہت عجیب ہے۔ میں چاہتا ہوں کہ گیتا کو اپنا خاندان جلدی مل جائے۔ انہوں نے یہ خدشہ بھی ظاہر کیا جس قدر محبت بلقیس ایدھی اور ان کے بیٹے
کیا ریحام عمران میں واقعی طلاق ہوگئی ہے ؟؟ ریحام نے برطانیہ سے خصوصی گفتگو میں سب صاف بتادیا
نے گیتا کو دی اتنی ہی محبت اسے اپنے اہل خانہ سے بھی ملے ورنہ کہیں ایسا نہ ہو کہ اسے اتنی محبت نہ ملے اور وہ یہاں سے واپس جانے کا مطالبہ کرنے لگے۔ انہوں نے بلقیس ایدھی کا شکریہ ادا کرتے ہوئے کہا انہوں نے گیتا کو اتنی اچھی طرح رکھا۔ انہوں نے لڑکیوں کے عدم تحفظ پر کہا کہ اگر کوئی ایسی بچی کھو جاتی ہے تو اس کا حال برا ہوتا ہے۔ ایسی بہت ساری گمشدہ لڑکیاں سمگلنگ کا شکار ہوجاتی ہیں۔ ان کا کہنا تھا کہ ان کے ادارے کی مہم کے باعث گھر سے بھاگنے والے یا بچھڑے ہوئے تقریبا 30 بچے گھر پہنچ چکے ہیں۔ کچھ ایسے بچے بھی ہمیں ملے جن کے خاندان میں کوئی نہیں تو ان کی پرورش اور تعلیم کی پورا انتظام کیا گیا ہے۔
