لندن(نیوز ڈیسک) برطانیہ میں پلائے ماؤتھ میں واقع ایک خاتون نے نماز پڑھتے افراد کے سامنیانتہائی شرمناک حرکت کی جس کے بعد پولیس نے اسے گرفتار کرلیا ہے۔گرفتار کی جانے والی 36 سالہ کلیئر فیرل پر نازیبا رویے، ہراساں کرنے اور دوسروں کے مذہبی جذبات مجروح کرنے کے الزامات ہیں جس نے ایک مسلمان میاں بیوی اور ان کے دو کم عمر بچوں کے سامنے ایک شرمناک حرکت کی ہے۔ پولیس نے مسلم خاندان کی شناخت جاری نہ کرتے ہوئے کہا ہے کہ ان کے ساتھ ان کا دس سالہ بیٹا اور آٹھ سال کی ایک بیٹی بھی پارک میں موجود تھی اور یہ واقعہ ان کے سامنے ہوا ہے۔ یہ جوڑا پارک میں تفریح کے لیے آیا تھا اور نماز کے وقت وہاں نماز ادا کررہا تھا۔پولیس نے خاتون کو گرفتار کرکے اس کے خلاف مقدمہ درج کرلیا ہے اور اسے 27 نومبر کو پلائے ماؤتھ کراؤن کورٹ میں پیش کیا جائے گا۔