اسلام آباد(نیوزڈیسک)عمران خان اورریحام خان کی طلاق کی خبرکے بعد علماءبھی میدان میں آگئے ۔علماءکاکہناہے کہ عمران خان اورریحام خان کے درمیان طلاق کامعاملہ شرعی ہے اوران دونوں کے آپس کامعاملہ ہے اس پرتبصرہ کرنے کی ضرورت نہیں اورہمیں بھی عمران خان اورریحام خان کے درمیان علیحدگی کادکھ ہے جبکہ عمران خان اور ریحام کا نکاح پڑھانے والے مفتی سعید کا کہنا ہے کہ وہ عمران خان کے بہت سے رازوں کے امین ہیں لیکن کوئی بیان میڈیا میں دے کر وعدہ خلافی نہیں کرسکتا۔اسلام آباد میں میڈیا سے باتیں کرتے ہوئے مفتی سعید کا کہنا تھا کہ عمران اور ریحام کی طلاق کی خبر انتہائی افسوسناک ہے لیکن لوگوں کو اس معاملے پر احتیاط سے کام لینا چاہیئے کیونکہ یہ معاملہ کسی کے ساتھ بھی ہو سکتا ہے۔ ان کا کہنا تھا کہ عمران خان کے بہت سارے رازوں کا امین ہوں لیکن عمران خان سے وعدہ کیا ہے اس لئے اس معاملے پر کچھ نہیں بولوں گا۔عمران اور ریحام کی شادی کے حق مہر کے حوالے سے مفتی سعید کا کہنا تھا کہ نکاح کے وقت حق مہر شاید ایک لاکھ روپے طے ہوا تھا جو اسی وقت ادا ہو گیا تھا۔ کنٹینر پر نکاح کے حوالے سے پوچھے گئے سوال کے جواب میں مفتی سعید کا کہنا تھا کہ اب گڑھے مردے اکھاڑنے سے کیا فائدہ ہے۔