اسلام آباد(اپنے نمائندے سے)26اکتوبر 2015کو آنے والے ہولناک زلزلے سے سب سے زیادہ صوبہ خیبر پختونخوا متاثر ہوا جہاں آزاد ذرائع کے مطابق ہلاکتوں کی تعداد 200سے زیادہ ہیں جبکہ سینکڑوں افراد زخمی ہیں ۔وزیر اعظم میاں نوازشریف زلزلے سے اگلے روزشانگلہ آئے لیکن کوئی اعلان نہیں کیا ۔زلزلے سے ضلع شانگلہ 80فیصد متاثر ہوا ،لوگوں کے گھر زمین بوس ہو گئے ۔بہت سے متاثرین تک ابھی تک امداد پہنچی ہی نہیں ۔چھوٹے بچے ،بزرگ افراد شدید سردی میں کھلے آسمان نیچے زندگی گزارنے پر مجبور ہیں ۔ضلع ناظم شانگلہ نیاز احمد نے ہمارے نمائندے سے بات کرتے ہوئے بتایا کہ علاقے کی حالت بہت ابتر ہوچکی ہے ۔خوراک ،سردی سے بچنے کیلئے کمبلوں کی شدید کمی ہے ۔امدادی ٹیمیں ابھی تک پورے علاقے کو کور نہیں کرسکی ہیں ۔جو کچھ امداد مل رہی ہے وہ انتہائی کم ہے ۔وفاقی اور صوبائی حکومت سے درخواست ہے کہ وہ امدادی کاموں میں تیزی لائیں۔ضلع ناظم شانگلہ نیاز احمد نے این جی اوز،رفاعی اداروں و دیگر مخیر حضرات سے اپیل ہے کہ اگر وہ کسی قسم کی مدد کرنا چاہتے ہیں تو ان نمبروں پر رابطہ کر سکتے ہیں۔0333-9993361،0320-9890188،0996850176-7