لندن(نیوز ڈیسک)پاک فضائیہ کے سربراہ ایئر چیف مارشل سہیل امان نے کہا ہے کہ پاک فضائیہ کے اہلکار ملک میں آنے والے زلزلے کی تباہ کاریوں کے بارے میں درست معلومات فراہم کرنے میں کلیدی کردار ادا کررہے ہیں۔ نجی ٹی وی چینل کو خصوصی انٹرویو دیتے ہوئے انہوں نے کہا کہ پاک فضائیہ کے ہیلی کاپٹر نگران کیمروں سے لیس ہیں اور انھیں ملک کے دور دراز علاقوں میں زلزلے کی تباہ کاری کی تصاویر لینے کیلئے استعمال کیا جارہا ہے۔انہوں نے بتایا کہ پاک فضائیہ کے سی130طیارے اور ہیلی کاپٹرز متاثرہ علاقوں میں امدادی سامان پہنچانے میں مصروف ہیں۔