ممبئی (نیوز ڈیسک ) بالی ووڈ اداکار شاہد کپور نے کہا ہے کہ مجھے فلموں میں کام کرنے کے مقابلے میں ٹیلی ویژن میں کام کرنا زیادہ خوشگوار تجربہ لگتا ہے، ایک انٹرویو میں انہوں نے کہا کہ میں ٹیلی ویژن پر کام کرنے سے قبل ہمیشہ خوفزدہ رہتا تھا کہ ناجانے ٹی وی کا ماحول کیسا ہوگا تاہم جب مجھے پہلی بار جھلک دکھلا جا ری لوڈڈ کی پیشکش ہوئی تو میں نے ڈرتے ڈرتے اسے قبول کیا۔ انہوں نے کہا کہ مجھے لوگوں کو جج کرنے والا کام بھی کچھ خاص پسند نہیں تھا تاہم کچھ عرصہ گزرنے کے بعد مجھے احساس ہوا کہ ٹیلی ویژن پر کام کرنے کا تجربہ بڑی سکرین پر کئے جانیوالے کام کی نسبت زیادہ خوشگوار ہے۔