اسلام آباد (نیوز ڈ یسک)پاکستانی آل راؤنڈر عماد وسیم کی سابقہ اہلیہ ثانیہ اشفاق نے سوشل میڈیا پر واٹس ایپ پیغامات کے مبینہ اسکرین شاٹس شیئر کر دیے ہیں،
جن کے بعد معاملہ سوشل میڈیا پر زیرِ بحث آ گیا ہے۔ثانیہ اشفاق نے حالیہ دنوں انسٹاگرام پر متعدد پوسٹس میں کرکٹر پر سنگین نوعیت کے الزامات عائد کیے، جن میں بے وفائی، بچوں سے لاتعلقی اور اسقاطِ حمل پر مجبور کرنے جیسے دعوے شامل ہیں۔ ان کی جانب سے شیئر کی گئی جولائی 2025 کی چیٹس میں مبینہ طور پر دکھایا گیا ہے کہ کرکٹر نے انہیں خبردار کیا تھا کہ اگر انہوں نے ان یا ان کے خاندان سے رابطہ کرنے کی کوشش کی تو قانونی کارروائی کی جا سکتی ہے۔شیئر کردہ اسکرین شاٹس کے مطابق اس وقت ثانیہ حاملہ تھیں اور انہوں نے بچے کی پیدائش کے موقع پر موجود رہنے کی درخواست کی تھی، تاہم مبینہ پیغامات میں سخت ردعمل دکھایا گیا اور شرائط نہ ماننے پر پولیس میں شکایت کی بات بھی کی گئی۔اس سے ایک روز قبل انہوں نے ایک ویڈیو بیان بھی جاری کیا تھا جس میں دعویٰ کیا گیا کہ دسمبر 2023 میں انہیں اسقاط حمل پر مجبور کیا گیا، اور انہوں نے کہا کہ ان کے پاس اپنے الزامات کے شواہد موجود ہیں۔
View this post on Instagram
انہوں نے پاکستان سپر لیگ کی ٹیم اسلام آباد یونائیٹڈ سے مطالبہ کیا کہ وہ اپنے ضابطوں کے مطابق اس معاملے پر کارروائی کرے۔ثانیہ اشفاق نے مزید اپیل کی کہ وزیر اعظم شہباز شریف اور چیئرمین پی سی بی محسن نقوی اس معاملے کا نوٹس لے کر تحقیقات شروع کریں۔ یاد رہے کہ عماد وسیم اور ثانیہ اشفاق کی شادی 2019 میں ہوئی تھی جبکہ ان کی طلاق دسمبر 2025 میں واقع ہوئی۔
