اسلام آباد (این این آئی)آزاد کشمیر کے شہریوں کیلئے صحت کارڈ سہولیات نئے فارمولے کے تحت بحال کرنے کا فیصلہ کرلیا گیا۔وفاق کے تعاون سے آزاد کشمیر حکومت نے ہیلتھ کارڈ کیلئے الگ فنڈز مختص کردیے ہیں،وفاقی کابینہ کی جانب سے صحت سہولت پروگرام کے لیے فنڈز کے اجرا کی منظوری دے دی گئی۔بینظیر انکم سپورٹ پروگرام کے تحت رجسٹرڈ خاندانوں کا مفت علاج جاری رہے گا۔

ذرائع کے مطابق عام شہریوں کیلیے ہیلتھ کارڈ کو ‘کوپیمنٹ’ ماڈل پر منتقل کیا جا رہا ہے۔16 جنوری 2026ء سے مختلف مراحل میں پینل ہسپتالوں میں صحت کارڈ سہولت دوبارہ فعال کی جائے گی۔