اسلام آباد (نیوز ڈیسک)واشنگٹن: ٹرمپ انتظامیہ نے مختلف جرائم میں ملوث تقریباً 80 ہزار غیر ملکیوں کے ویزے منسوخ کر دیے ہیں۔امریکی میڈیا کے مطابق، ایک سینیئر حکومتی عہدیدار نے بتایا کہ زیادہ تر ویزے ان افراد کے منسوخ کیے گئے جن پر تشدد، چوری اور نشے کی حالت میں گاڑی چلانے جیسے مقدمات درج تھے۔اہلکار کے مطابق، تقریباً 16 ہزار ویزے ایسے افراد کے منسوخ کیے گئے جو نشے میں ڈرائیونگ کے الزام میں پکڑے گئے تھے، جبکہ 12 ہزار ویزوں کی منسوخی تشدد کے مختلف واقعات سے متعلق تھی۔
عہدیدار نے مزید بتایا کہ اگست کے مہینے میں ویزا میعاد ختم ہونے اور امیگریشن قوانین کی خلاف ورزی کے باعث 6 ہزار طلبہ کے ویزے بھی منسوخ کیے گئے۔خبر ایجنسی کی رپورٹ کے مطابق، چارلی کرک پر حملے کے بعد سوشل میڈیا پر اشتعال انگیز مواد پوسٹ کرنے کے الزام میں گزشتہ ماہ مزید 6 ویزے منسوخ کیے گئے۔امریکی حکام کے مطابق، یہ کارروائی امیگریشن قوانین پر سختی سے عمل درآمد اور غیر قانونی سرگرمیوں میں ملوث غیر ملکیوں کے خلاف کریک ڈاؤن کا حصہ ہے۔
