ممبئی(نیوز ڈیسک)بولی ووڈ کی ”عاشقی “ سیریز کی نئی آنے والی فلم ”عاشقی3“ کے بارے میں کہا جا رہا تھا کہ اس میں معروف اداکارہدیپکا پڈکون یونانی دیوتا ہریتک روشن کی ہیروئن بنیں گی۔ انڈین ایکسپریس کی رپورٹ کے مطابق اداکارہ دیپکا سے جب اس بارے میں پوچھا گیا تو انکا کہنا تھا کہ و ہ ”عاشقی3“ میں ہریتک روشن کے مقابل ہیروئن کا کرداد ادا نہیں کر رہی ہیں۔29سالہ اداکارہ کا کہنا تھا کہ انکی نئی آنے والی فلموں میں صرف دو فلمیں ”تماشا“اور ”بجرآ مستانی“ شامل ہیں۔اداکارہ کا مزید کہنا تھا کہ ابھی وہ عاشقی3کا سکرپٹ پڑھ رہی ہیں۔ تاہم ابھی انھوں نے فلم کرنے یا انکار کرنے کے بارے میں سوچا نہیں ہے۔اب یہ تو آنے والا وقت ہی بتائے گا اداکارہ عاشقی سیریز کا حصہ بننا پسند کریں گی یا نہیں۔