اسلام آباد(نیوز ڈیسک ) عالیہ بھٹ اور شاہد کپور کی نئی فلم”شاندار“(کل)سینما گھروں کی زینت بنے گی‘ فلم کے گانے”رائتا پھیل گیا“کے نئے ورژن کی ویڈیوگزشتہ روز ریلیز کر دی گئی تھی۔بالی وڈاداکارہ عالیہ بھٹ اور شاہد کپور کی نئی رومانٹک کامیڈی فلم شاندارکے گانے ”رائتا پھیل گیا“کے نئے ورژن کی ویڈیو مداحوں کیلئے ریلیز کر دی گئی ہے۔ وکاس بہل کی ہدایتکاری میں بننے والی اس فلم میں مرکزی کردار عالیہ بھٹ اور شاہد کپور نبھا رہے ہیں جبکہ دیگر فنکاروں میں پنکج کپور،سنجے کپور،کرن جوہر اور سنہا کپور سمیت دیگرشامل ہیں۔انوراگ کشیپ اور کرن جوہر کی مشترکہ پروڈیوس کردہ مزاح سے بھرپور یہ فلم 22اکتوبر کو سینما گھروں میں نمائش کیلئے پیش کی جائے گی۔