اسلام آباد (نیوز ڈیسک) متحدہ عرب امارات نے اسلامی نئے سال 1447 ہجری کی مناسبت سے یکم محرم کو سرکاری تعطیل دینے کا اعلان کیا ہے۔سرکاری اعلامیے کے مطابق، 27 جون بروز جمعہ کو نئے ہجری سال کے آغاز پر وفاقی حکومت کی جانب سے سرکاری اداروں کے ملازمین کو عام تعطیل دی جائے گی۔
یہ اعلان فیڈرل اتھارٹی فار گورنمنٹ ہیومن ریسورسز (FAHR) کی طرف سے کیا گیا ہے، جس کا اطلاق صرف سرکاری شعبے کے ملازمین پر ہوگا۔ اس تعطیل کے باعث انہیں جمعہ، ہفتہ اور اتوار کے تین مسلسل دنوں کی چھٹیاں میسر آئیں گی۔حکام کے مطابق دفاتر میں معمول کی سرگرمیاں 30 جون، پیر کے روز دوبارہ بحال ہو جائیں گی۔واضح رہے کہ اسلامی ہجری سال کا آغاز قمری تقویم کے مطابق محرم کی پہلی تاریخ سے ہوتا ہے، جو دنیا بھر کے مسلم ممالک میں مذہبی اہمیت کی حامل ہے۔
