اسلام آباد (نیوز ڈیسک) ایرانی پارلیمنٹ میں صدر کی تقریر کے دوران ایوان میں پاکستان کے حق میں جذباتی مناظر دیکھنے کو ملے، جہاں ارکانِ پارلیمنٹ نے کھڑے ہو کر پاکستان کے حق میں نعرے لگائے اور اظہارِ یکجہتی کیا۔
میڈیا رپورٹس کے مطابق جیسے ہی ایرانی صدر نے اپنی تقریر کا آغاز کیا، اراکین پارلیمنٹ نے یک زبان ہو کر پاکستان کے لیے شکرگزاری کے نعرے لگائے، جس سے دونوں ممالک کے درمیان موجودہ مثبت تعلقات کی جھلک دکھائی دی۔
یہ منظر ایسے وقت میں سامنے آیا ہے جب حالیہ دنوں میں اسلام آباد اور تہران کے درمیان تعلقات میں بہتری کے آثار نمایاں ہوئے ہیں۔ وزیراعظم پاکستان شہباز شریف اور ایرانی صدر مسعود پزیشکیان کے درمیان ہونے والی حالیہ ٹیلیفونک گفتگو میں بھی دونوں رہنماؤں نے باہمی تعلقات کو مزید مضبوط بنانے اور علاقائی امن و استحکام کے لیے تعاون جاری رکھنے پر اتفاق کیا تھا۔
ایرانی ایوان میں پاکستان کے لیے لگائے گئے نعروں کو خطے میں باہمی اتحاد اور اسلامی ممالک کے درمیان بھائی چارے کی ایک مثبت علامت کے طور پر دیکھا جا رہا ہے، جو مستقبل میں دوطرفہ تعلقات کو مزید فروغ دینے میں مددگار ثابت ہو سکتا ہے۔
ایرانی پارلیمنٹ میں صدر ایران کے تقریر کے دوران پورا ایوان پاکستان کے لیے اظہارِ تشکر کے نعروں سے گونج اُٹھا۔#iran #pakistan pic.twitter.com/dLIsAw4CBN
— Jafaria TV (@JafariaTV1) June 16, 2025
