ممبئی (نیوز ڈیسک)بولی ووڈ ڈانس گرو شاہد کپور اور معروف اداکارہ عالیہ بھٹ کے بارے میں کہا جا رہا ہے کہ وہ اپنی نئی آنے والی رومانس سے بھرپور کامیڈی فلم ”شاندار “ کی پر موشن کیلئے بگ باس کے گھر جائیں گے۔ رپورٹ کے مطابق دونوں اداکار سپر سٹار سلمان خان کے رئیلٹی شو ”بگ باس 9“ کا حصہ بننے پر بے حد پر جوش ہیں۔ اداکار شاہد کپور اس سے قبل بھی بگ باس کے گھر داخل ہو چکے ہیں ، جبکہ عالیہ بھٹ پہلی مرتبہ بگ باس کے گھر جائیں گی۔ رپورٹ کے مطابق عالیہ بھٹ اور شاہد کپور کی بگ باس کے گھر انٹری ہفتے شب نشر کی جانے ”بگ باس9“ کی قسط میں ہو گی۔اداکار شاہد کپور کی طرف سے حال ہی میں مائیکرو بلاگنگ سائٹ ٹویٹر پر ٹویٹ میں کہا گیا ہے کہ وہ بولی ووڈبھائی کے ساتھ شاندار وقت بتانے کیلئے بے تاب ہیں۔