اسلام آباد (نیوز ڈیسک) سعودی عرب کی سپریم کورٹ نے ملک بھر کے شہریوں اور مقیم افراد سے اپیل کی ہے کہ وہ پیر کی شام، 27 مئی کو ذوالحج کا چاند دیکھنے کی کوشش کریں۔عرب نیوز کے مطابق، سعودی پریس ایجنسی نے سپریم کورٹ کے بیان کا حوالہ دیتے ہوئے کہا ہے کہ منگل، 29 ذوالقعد کی شام کو چاند دیکھنے کی تاکید کی گئی ہے تاکہ اسلامی مہینے ذوالحج کے آغاز کا تعین کیا جا سکے۔

اگر اس روز چاند نظر آ گیا تو ذوالحج کی پہلی تاریخ 28 مئی بروز منگل ہو گی، جس کے تحت عیدالاضحیٰ 6 جون بروز جمعہ منائی جائے گی۔ تاہم اگر چاند دکھائی نہ دیا تو ذوالحج کی ابتداء 30 مئی جمعرات سے ہو گی اور عیدالاضحیٰ 7 جون ہفتہ کو منائی جائے گی۔سپریم کورٹ نے چاند نظر آنے کی صورت میں شہریوں سے گزارش کی ہے کہ وہ فوری طور پر قریبی شرعی عدالت سے رجوع کریں اور گواہی ریکارڈ کرائیں۔ اگر کسی کو وہاں تک پہنچنے میں دقت پیش آئے تو وہ قریبی مرکز یا متعلقہ حکام سے رابطہ کر کے مدد حاصل کر سکتے ہیں۔