اسلام آباد (نیوز ڈیسک) پاکستان کرکٹ ٹیم کے سابق کپتان اور مایہ ناز بیٹر بابر اعظم ایک بار پھر سوشل میڈیا پر موضوعِ بحث بن گئے ہیں، تاہم اس بار معاملہ کرکٹ سے ہٹ کر ہے۔ ایک ویڈیو کلپ وائرل ہو رہی ہے جس میں بابر کو معروف ماڈل اور اداکارہ زباب رانا کے ساتھ ایک تقریب میں دیکھا جا سکتا ہے۔
سوشل میڈیا پر گردش کرتی اس ویڈیو میں بابر اعظم کے چہرے کے تاثرات نے مداحوں کی توجہ حاصل کر لی ہے۔ ویڈیو میں وہ قدرے جھجکتے اور کچھ پریشان نظر آ رہے ہیں، جبکہ زباب رانا اُن کے قریب کھڑی دکھائی دیتی ہیں۔ ان مناظر پر مداحوں نے دلچسپ اور ہلکے پھلکے تبصرے شروع کر دیے ہیں۔
کسی صارف نے لکھا، “بابر بھائی، جذبات پر کنٹرول کریں”، تو کسی نے مذاق میں کہا، “لگتا ہے بابر بھائی کا نیا شوق ہیئر اسٹائلنگ کا ہے”۔ ایک اور صارف کا تبصرہ تھا، “یہاں تو بابر صاحب فلرٹ موڈ میں لگ رہے ہیں”۔
دوسری طرف، پاکستان سپر لیگ (پی ایس ایل) کے دسویں سیزن میں بابر اعظم کی کارکردگی تاحال متاثرکن نہیں رہی۔ انہوں نے ابھی تک دو میچز کھیلے ہیں لیکن دونوں میں اپنی بیٹنگ کا جادو نہ دکھا سکے اور صرف صفر اور ایک رن بنا کر آؤٹ ہو گئے۔
یہ ویڈیو اور اس پر ہونے والی گفتگو نے بابر اعظم کو ایک بار پھر خبروں کی زینت بنا دیا ہے، چاہے وہ پرفارمنس ہو یا ان کے اندازِ نظر۔
