اسلام آباد (نیوز ڈیسک )معروف پاکستانی اداکار فواد خان کرن جوہر کی نئی آنے والی فلم ”اے دل ہے مشکل“ کی شوٹنگ میں حصہ لینے کیلئے پیرس پہنچ گئے ہیں۔رپورٹ کے مطابق رنبیر کپور ، انوشکا شرما اور کرن جوہر پہلے سے ہی فلم کی شوٹنگ کے سلسلے میں پیرس میں موجود ہیں۔فلمساز کرن جوہر کی طرف سے حال ہی میںمائیکرو بلاگنگ سائٹ ٹویٹر پر ٹویٹ میں کہا گیا ہے کہ فواد خان انکی فلم ”اے دل ہے مشکل “ میں اہم کردار ادا کر رہے ہیں۔ فواد خان کے علاوہ اس فلم میں ایک اور پاکستانی اداکار عمران عباس نقوی بھی اہم کردار ادا کریں گے۔رپورٹ کے مطابق پیر س میں کام مکمل ہونے کے بعد ”اے دل ہے مشکل“ کی کاسٹ اور تکنیکی عملہ ویاناروانہ ہو جائے گا۔واضح رہے اداکارہ ایشوریا رائے بچن ویانامیں ٹیم کے ساتھ شامل ہو کرشوٹنگ کا اگلا مرحلہ مکمل کرائیں گی۔