اسلام آباد (نیوز ڈیسک)وائٹ ہاؤس میں زیلنسکی کی سخت پذیرائی، امریکی صدر اور صحافیوں کے تلخ سوالاتیوکرین کے صدر ولودومیر زیلنسکی کو امریکی دورے کے دوران وائٹ ہاؤس میں نہ صرف صدر ڈونلڈ ٹرمپ اور نائب صدر جے ڈی وینس کی سخت باتوں کا سامنا کرنا پڑا بلکہ امریکی صحافی بھی ان پر تنقید کرتے نظر آئے۔وائٹ ہاؤس میں ملاقات کے دوران، ٹرمپ کے حامی صحافی برین گلین نے زیلنسکی کے لباس پر سوال اٹھایا۔

انہوں نے حیرانی کا اظہار کرتے ہوئے پوچھا کہ آپ نے ایک مناسب تھری پیس سوٹ یا پینٹ کوٹ کیوں نہیں پہنا؟ آپ دنیا کے سب سے طاقتور دفتر میں موجود ہیں، لیکن آپ کے لباس کا انتخاب غیر رسمی کیوں ہے؟اس پر زیلنسکی، جو عمومی طور پر گہرے سبز رنگ کے سویٹر میں نظر آتے ہیں، نے پُراعتماد انداز میں جواب دیا: “میں وہ دن ضرور دیکھنا چاہوں گا جب جنگ ختم ہو، تب شاید میں سوٹ پہنوں گا۔ ہوسکتا ہے یہ ویسا ہی ہو جیسا میں نے آج پہنا ہے، یا جیسا آپ نے پہنا ہوا ہے، یا شاید اس سے بھی بہتر۔ سستا ہو یا مہنگا، یہ وقت ہی بتائے گا۔”ملاقات کے دوران امریکی صدر ٹرمپ نے زیلنسکی کو براہ راست تنقید کا نشانہ بنایا اور انہیں “بے وقوف صدر” کہتے ہوئے کہا: “ہم نے آپ کے ملک پر 350 ارب ڈالر خرچ کیے، اب آپ کے پاس کوئی آپشن باقی نہیں۔ آپ ہمیں یہ نہیں بتا سکتے کہ امریکا کو کیا کرنا چاہیے۔ امریکا کے بغیر آپ کچھ بھی نہیں ہیں۔”نائب صدر جے ڈی وینس نے بھی زیلنسکی کے مؤقف پر سخت ردعمل دیا، جس سے ملاقات کا ماحول مزید کشیدہ ہوگیا۔