واشنگٹن (این این آئی )امریکا کے 16ویں صدر ابراہم لنکن کے بارے میں 1915 کی ایک خاموش فلم جس کے بارے میں سوچا گیا تھا کہ وہ ہمیشہ کیلئے کھوگئی ہے، حال ہی میں مِل گئی ہے۔امریکی 16ویں صدر ابراہم لنکن کی خاموش فلم نیویارک کے لانگ آئی لینڈ کے ایک گودام سے ملی۔

گرین پورٹ میں ہسٹورک فلمز آرکائیو کے ایک انٹرن، ڈین مارٹن نے بتایا کہ وہ آرکائیو کے گودام میں ڈونیشنز کے ڈبوں کی چھانٹی کر رہے تھے جب انہیں دی ہارٹ آف لنکن کی واحد بچ جانے والی کاپی ملی جو کہ امریکی 16ویں صدر کی زندگی کے بارے میں ایک خاموش فلم ہے۔انہوں نے کہا کہ کسی ایسے شخص کے لیے جو فلموں کے تحفظ کے بارے میں پڑھ رہا ہے، اس کیلئے یہ سب سے زیادہ فائدہ مند خزانہ ہو سکتا ہے جسے پرانی فلموں میں تلاش کیا جاسکتا ہے۔دی ہارٹ آف لنکن کو لائبریری آف کانگریس نے تقریبا 7,000 خاموش فلموں میں درج کیا تھا جن کے بارے میں خیال کیا جاتا ہے کہ وہ وقت کے ساتھ مکمل طور پر کھو چکی ہیں۔