لاہور ( این این آئی) آئی سی سی چیمپئینز ٹرافی سے قبل دورہ جنوبی افریقا میں انجری کا شکار ہونے والے اوپنر صائم ایوب کی انٹرنیشنل کرکٹ میں واپسی کا انتظار مزید طویل ہوگیا۔پاکستان کرکٹ بورڈ کی جانب سے نوجوان بیٹر صائم ایوب کی فٹنس کے حوالے سے اہم اپڈیٹ فراہم کی گئی ہے، جس میں بتایا گیا ہے کہ اوپنر ٹخنے کے فریکچر سے صحت یابی کی جانب تیزی سے گامزن ہیں اور انگلینڈ میں اپنا ری ہیب جاری رکھیں گے۔

کرکٹر کے تفصیلی ایم آر آئی اسکین، ایکس ریز اور طبی معائنے کے بعد انجری کی تاریخ (3جنوری کے روز سے 10ہفتوں تک) کھیل کی تمام سرگرمیوں سے باہر ہوگئے ہیں۔ڈاکٹرز کی جانب سے ایم آر آئی اسکین، ایکس ریز اور میڈیکل رپورٹس کا جائزہ لینے کے بعد 10 ہفتوں کا آرام دیا ہے۔اسی طرح صائم ایوب کی نیوزی لینڈ کے دورے کیلئے دستیابی کا انحصار تمام فٹنس ٹیسٹ پاس کرنے کے بعد زیر غور لایا جائے گا۔پاکستان کو دورہ نیوزی لینڈ کے دوران 5ٹی ٹونٹی اور 3ون ڈے میچز کی سیریز کھیلنے کے لئے 16مارچ سے 5اپریل تک دورہ کرنا ہے۔بعدازاں قومی ٹیم کے کرکٹر پاکستان سپر لیگ (پی ایس ایل)کے 10ویں ایڈیشن میں شرکت کیلئے وطن واپس روانہ ہوں گے۔