اسلام آباد (نیوز ڈیسک)ملک میں بارش کا نیا سلسلہ داخل ہونے کا امکان، محکمہ موسمیات کی پیش گوئیمحکمہ موسمیات نے پیش گوئی کی ہے کہ ملک میں خشک موسم کا سلسلہ جاری رہے گا، تاہم لاہور اور بالائی پنجاب کے کچھ علاقوں میں ہلکی بارش کا امکان ہے۔موسمی ماہرین کے مطابق 31 جنوری سے یکم فروری کے دوران بارش لانے والا نیا سسٹم ملک میں داخل ہوگا، جس کی وجہ سے درجہ حرارت میں کمی آئے گی اور موسم دوبارہ سرد ہو جائے گا۔

اس وقت پنجاب بھر میں مسلسل خشک موسم کے باعث درجہ حرارت میں بتدریج اضافہ ہو رہا ہے۔ دن کے اوقات میں گرمی محسوس کی جا رہی ہے جبکہ راتیں اب بھی ٹھنڈی ہیں۔ماہرین کا کہنا ہے کہ موسمیاتی تبدیلیوں کے باعث اس سال سردی کا دورانیہ کم رہا ہے۔آج لاہور میں کم سے کم درجہ حرارت 7 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 24 ڈگری سینٹی گریڈ تک پہنچنے کا امکان ہے۔