اسلام آباد (نیوز ڈیسک )غیر ملکی خبر رساں ادارے کی رپورٹ کے مطابق امریکی کمپنی نے ایک ایسا موبائل فون تیار کر لیا ہے جو نہ صرف پانی پر تیر سکتا ہے بلکہ اس میں فوجی انداز کی خفیہ خصوصیات ہیں۔ اینڈروئڈ آپریٹنگ سسٹم پر چلنے یہ والا کامِٹ فون 4.7 انچ سکرین اور 16 ایم پی کیمرے کا حامل ہے لیکن اس پر خاص قسم کی کوٹنگ چڑھائی گئی ہے جو مکمل طور پر واٹر پروف ہے جبکہ اس کے ڈیزائنر کے مطابق یہ پانی میں گرنے کی صورت میں ڈوبتا نہیں بلکہ سطح پر تیرتا رہتا ہے۔ اس فون کی دوسری خاصیت یہ ہے کہ اس کی معلومات خفیہ کوڈ میں تبدیل ہو کر نشر ہوتی ہیں۔ موبائل فون میں موجود سینسرجسم کا درجہ حرارت بھی معلوم کرتا رہتا ہے۔ یہ قیمتی فون آئندہ سال فروخت کے لیے مارکیٹ میں پیش کیے جائیں گے۔