برسلز(این این آئی )عالمی ادارہ صحت نے کہا ہے کہ غذا میں زنک کی کمی پھیپھڑوں کے انفیکشن کا سبب بن سکتی ہے، وینڈر بِلٹ یونیورسٹی میڈیکل سینٹر کی رہنمائی میں کام کرنے والے ماہرین کی ٹیم نے پرو-انفلیمیٹری سائٹوکائن انٹرلیوکن-13 (آئی ایل-13) اور اے بومنی نامی انفیکشن کے درمیان غیر متوقع تعلق دریافت کیا اور جانوروں کے ماڈل پر کی جانے والی آزمائش میں معلوم ہوا کہ آئی ایل13 کا روکا جانا مہلک انفیکشن سے بچا جا سکتا ہے۔

غیرملکی خبررساں ادارے کے مطابق تحقیق میں معلوم ہوا کہ اینٹی-آئی ایل-13 اینٹی باڈیز (جن کا انسانوں میں استعمال ایف ڈی اے کی جانب سے منظور شدہ ہے)ممکنہ طور پر زنک کی کمی کے باعث مریضوں میں نمونیا کے خلاف حفاظت کر سکتی ہے۔دنیا کی تقریبا 20 فیصد آبادی اس وقت زنک کی کمی کے خطرے سے دوچار ہے جس سے ان کے مدافعتی نظام ناقص ہو سکتا ہے جو کہ نمونیا کا ایک بڑا خطرہ ہے۔عالمی ادارہ صحت کے مطابق زنک کی کمی دنیا بھر میں مرض اور موت کا ایک واضح حصہ دار ہے۔