اسلام آباد (این این آئی)سابق چیف جسٹس قاضی فائز عیسیٰ پر لندن میں حملہ کرنیوالے 23پاکستانیوں کے پی سی ایل میں ڈالتے ہوئے پاکستان آتے ہی گرفتارکرنے کا حکم دے دیا گیا۔ذرائع کے مطابق سابق چیف جسٹس قاضی فائز عیسیٰ پر لندن میں حملہ کرنیوالے 23پاکستانی شہریوں کے نام پاسپورٹ کنٹرول لسٹ میں ڈال دیئے گئے ہیں، ان 23پاکستانیوں میں تحریک انصاف کی سابق رکن قومی اسمبلی ملائیکہ بخاری اور لندن میں نواز شریف کی رہائشگاہ کے باہر مظاہروں سے شہرت پانے والے شایان علی کے نام بھی شامل ہیں۔

تمام پاکستانیوں کی حوالگی کیلئے برطانوی حکومت کو خط بھی لکھا جا چکا ہے۔مذکورہ افراد میں سے کسی بھی فرد کو پاکستان آنے کی صورت میں درج مقدمے میں گرفتار کر لیا جائے گا۔فہرست میں سعدیہ فہیم، فہیم گلزار، ماہین فیصل، سدرہ طارق، اور حبہ عبدالمجید جیسے دیگر افراد کے نام بھی شامل ہیں۔