ڈھاکہ(این این آئی)بنگلہ دیش میں شیخ مجیب الرحمان اور ان کی بیٹی سابق وزیر اعظم شیخ حسینہ واجد سمیت عوامی لیگ کے رہنمائوں کے ناموں پر رکھے گئے چھ میڈیکل کالجز کے نام تبدیل کر کے متعلقہ اضلاع کے نامو ں پر رکھ دیئے گئے ہیں۔غیرملکی خبررساں ادارے کی رپورٹ کے مطابق یہ اعلان وزارت صحت اور خاندانی بہبود کے تحت میڈیکل ایجوکیشن اور فیملی ویلفیئر ڈویڑن کے سیکرٹری ڈاکٹر محمد سرور باری کی طر ف سے جاری نوٹیفکیشن کے ذریعے کیا گیا ہے۔

نوٹیفکیشن کے مطابق کرنل مالک میڈیکل کالج کا نام مانک گنج میڈیکل کالج ، عبدالملک عقیل میڈیکل کالج کا نام نواکھلی میڈیکل کالج اور شیخ حسینہ میڈیکل کالج کا نام جمال پور میڈیکل کالج رکھ دیا گیا ہے۔مزید برآں، ٹنگیل میں شیخ حسینہ میڈیکل کالج، فرید پور میں بنگ بندھو شیخ مجیب میڈیکل کالج اور دیناج پور میں ایم عبدالرحیم میڈیکل کالج کا نام بالترتیب ٹانگیل میڈیکل کالج، فرید پور میڈیکل کالج اور دیناج پور میڈیکل کالج رکھا گیا ہے۔نوٹیفکیشن میں کہا گیا کہ صدارتی حکم نامے کے تحت جاری کیا گیا یہ حکم فوری طور پر نافذ العمل ہوگا۔