لاہور( این این آئی)ورچوئل ویمن پولیس سٹیشن نے ایک ماہ سے گھر میں قید خاتون کو آزاد کروا دیا گیا ۔حافظ آباد سے خاتون نے 15پر اطلاع دی کہ سسرالی رشتے داروں نے اسے گھر میں قید کر رکھا ہے۔متاثرہ خاتون نے بیان دیتے ہوئے بتایا کہ مالی لین دین کے تنازع میں اُسے گھر بلا کر دھوکے سے قید کیا ہوا ہے۔خاتون کے مطابق مجھے تقریباً ایک ماہ سے گھر میں قید ہے۔

ورچوئل ویمن پولیس اسٹیشن نیشکایت موصول ہوتے ہی متعلقہ پولیس کو فوری موقع پر پہنچنے کی ہدایت کی۔پولیس نے بروقت ایکشن لاتے ہوئے متاثرہ خاتون سے رابطہ کیا۔پولیس نے خاتون کو قید سے آزاد کروا کر باحفاظت بھائیوں کے حوالے کر دیا۔حافظ آباد پولیس نے ملزمان کے خلاف قانونی کارروائی کا آغاز کر دیا ِ۔خواتین کسی بھی ایمرجنسی میں 15 کال پر 2 دبا کر ورچوئل ویمن پولیس اسٹیشن پر رابطہ کریں۔