راولپنڈی (نیوزڈ یسک) اڈیالہ جیل میں قید سابق وزیر اعظم اور پاکستان تحریک انصاف (پی ٹی آئی) کے بانی کا آج ہونے والے میڈیکل چیک اپ کی رپورٹ جاری کردی گئی ہے۔پی ٹی آئی کے چیئرمین بیرسٹر گوہر خان نے سماجی رابطے کی ویب سائٹ ایکس پر پمز اسپتال اسلام آباد کے ڈاکٹروں کی تیار کردہ رپورٹ شیئر کی، جس میں بتایا گیا ہے کہ بانی کی صحت اچھی ہے اور ان کا بلڈ پریشر بھی نارمل ہے۔

رپورٹ کے مطابق، ان کا میڈیکل چیک اپ آج شام 4:30 بجے کیا گیا تھا۔ بانی پی ٹی آئی کو معدے کے مسائل ہیں، جن کا علاج پہلے سے جاری ہے، جبکہ انہیں کان کی بیماری کی بھی شکایت ہے جس کے لیے علاج ہو رہا ہے۔مزید یہ بتایا گیا کہ مجموعی طور پر بانی پی ٹی آئی کی صحت تسلی بخش ہے اور انہیں مزید کسی طبی علاج کی ضرورت نہیں ہے۔