تہران(این این آئی)ایرانی سپریم لیڈر آیت اللہ سید علی خامنہ ای نے اسرائیل پر حملہ کرنے والے جنرل کو ایران کے اعلی ترین اعزاز سے نواز دیا۔ایرانی میڈیا کے مطابق مسلح افواج کے کمانڈر انچیف آیت اللہ سید علی خامنہ ای نے سپاہِ پاسدارانِ انقلاب اسلامی ایرو اسپیس فورس کے کمانڈر بریگیڈیئر جنرل امیر علی حاجی زادہ کو ایران کے اعلی ترین عسکری اعزاز نشانِ فتح سے نوازا ہے۔
نشانِ فتح کسی عسکری کامیابی پر دیا جانے والا ایران کا اعلی ترین اعزاز ہے۔ایرانی سرکاری میڈیا کے مطابق ایرانی سپریم لیڈر خامنہ ای نے کمانڈر جنرل حاجی زادہ کو ایک خصوصی تقریب میں تمغہ فتح پہنایا۔
