اسلام آباد (نیوز ڈیسک )بولی ووڈ فلم انڈسٹری کے با صلاحیت اداکار نوازالدین صدیقی سپر سٹار سلمان خان اور شاہ رخ خان کے بعد اب میگا سٹار امیتابھ بچن کے ساتھ انکی نئی فلم میں نظر آئیں گے۔41سالہ اداکار نے میڈیا سے بات چیت کے دوران بتایا کہ وہ اس بات پر انتہائی مسرور ہیں کہ انھیں امیتابھ بچن جیسے بڑے اداکار کے ساتھ اداکاری کا موقع ملا۔ اگرچہ اداکار نواز کی طرف سے مذکورہ پروجیکٹ کے بارے میں ذیادہ نہیں بتایا گیاتاہم انکا کہنا تھاکہ ریبھو داس گپتا کی اس فلم کی کہانی سوجے گوش نے تحریر کی ہے۔فلم کے بارے میں خیال کیا جارہا ہے کہ یہ آئندہ سال نمائش کیلئے پیش کی جائے گی۔ واضح رہے اداکار نوازالدین صدیقی آجکل شاہ رخ خان کی نئی آنے والی فلم ”رئیس “ کی شوٹنگ میں مصروف ہیں ، وہ اس فلم میں پولیس افسر کا کردار ادا کر رہے ہیں۔