نئی دہلی (این این آئی)بھارت میں دلہے کے نشے کی حالت میں گالیاں دینے پر دلہن نے شادی سے انکار کردیا ۔ بھارتی میڈیا کے مطابق ریاست اترپردیش کے علاقے جے رام پور میں دلہن نے بھری تقریب میں شادی سے انکار کردیا۔پولیس کے مطابق دلہا نشے کی حالت میں تھا اور وہ سٹیج سے گالیاں دے رہا تھا جو دلہن کو برداشت نہ ہوسکا۔
پولیس کے مطابق شادی سے انکار کے بعد دلہن کے گھر والوں نے دلہے سمیت اس کے باپ اور دادا کو یرغمال بنا لیا اور شادی پر آنے والے 8لاکھ روپے کے خرچ کو بھی واپس کرنے کا مطالبہ کیا۔پولیس کے مطابق دونوں خاندانوں میں صلح کرانے کی کوشش کی گئی جو ناکام رہی ۔
