پشاور (این این آئی)وزیر اعلیٰ خیبر پختونخوا علی امین گنڈاپور نے کہا ہے کہ ہمارے لوگوں اور ہماری افواج نے بہت قربانیاں دی ہیں۔ تقریب سے خطاب کرتے ہوئے انہوںنے کہاکہ صحت کے شعبے میں ہم نے ہیلتھ کارڈ فراہم کیے ہیں تاہم ہم امید کرتے ہیں کہ صحت کی سہولیات ہمارے دور حکومت میں مزید بہتر ہوں گی، اس طریقے سے فنانشل سائیکل حکومت سے حکومت کے درمیان ہی چلے گی، صحت کارڈ کی رقم 10 سے بڑھا کر 20 لاکھ کی جائے گی۔

انہوں نے بتایا کہ یہ سہولت صرف خیبر پختونخوا کے ہسپتالوں میں ہی میسر نہیں بلکہ پورے پاکستان میں ہیلتھ کارڈ میں لسٹڈ ہسپتالوں میں اس سہولت کو استعمال کیا جاتا ہے۔علی امین گنڈاپور نے کہا کہ ہم بہت سی چیزوں کی توقعات کر رہے ہیں، ابھی پاکستان اور ہمارا صوبہ مالیاتی مشکلات سے دوچار ہے، میں امداد کا لفظ استعمال نہیں کرنا چاہتا کیونکہ ہم خودار قوم ہیں اور یہ لفظ ہمیں نہیں جچتا،مگر بد قستی سے ہمیں ان امدادوں پر انحصار کرنا پڑتا ہے۔