لاہور (این این آئی)لاہور میں مشتعل ہجوم کے درمیان خاتون کی جان بچانے والی خاتون پولیس افسراسسٹنٹ سپرنٹنڈنٹ پولیس شہربانو نقوی شادی کے بندھن میں بندھ گئیں جس کی ویڈیوز اور تصاویر سوشل میڈیا پر وائرل ہوگئیں۔شہربانو نقوی کی شادی اشتر نقوی نامی شخص سے ہوئی ہے تاہم ان کا تعلق کون سے شعبے سے ہے اس حوالے سے تفصیلات سامنے نہیں آئیں۔متعدد میڈیا رپورٹس کے مطابق شہربانو کی مہندی اور شادی کی تقریبات لاہور میں منعقد ہوئیں جبکہ ان کے ولیمے کی تقریب 28 اپریل کو ہوئی۔شہر بانو نقوی کی مہندی اور شادی کی تقریبات سوشل میڈیا پر وائرل ہوگئیں جہاں صارفین نے جوڑے کو مبارک باد دی اور شہر بانو کی خوبصورتی کی تعریف کی ۔
شہربانو نے مہندی پر ڈیزائنر محسن نوید رانجھا کا پیلے رنگ کا شرارا زیب تن کیا۔اس کے علاوہ اپنی بارات پر اے ایس پی شہربانو سرخ رنگ کے عروسی لباس میں نظر آئیں۔شہر بانو نقوی کی مہندی اور بارات کی تصاویر فوٹوگرافر نے شیئر کیں اور ساتھ ہی میک اپ آرٹسٹ نے بھی خاتون پولیس افسر کی ویڈیوز پوسٹ کیں جو تیزی سے وائرل ہوگئیں ۔