باجوڑ (این این آئی)خاتون طوفانی برساتی نالے سے گزر کر ہسپتال پہنچنے والی خاتون کے ہاں 4 بچوں کی پیدائش ہوئی۔تفصیلات کے مطابق جسے اللہ رکھے اسے کون چکھے کے مصداق خاتون طوفانی برساتی نالے سے گزر کر ہسپتال پہنچیں جہاں ان کے ہاں 4 بچوں کی پیدائش ہوئی۔ صبح ریسکیو 1122 باجوڑ نے بتایا کہ سمسئی خوڑ نزد رشکئی تحصیل خار میں ایک فیلڈر کار جس میں افراد 6 سوار تھے گہرے سیلابی ریلے میں پھنس گئی۔

کنٹرول روم کو اطلاع ملنے پر ریسکیو 1122 باجوڑ کی میڈیکل، ڈیزاسٹر اور ریکوری ٹیمیں فورا موقع پر پہنچیں۔امدادی ٹیم نے فیلڈر کار کو پیشہ ورانہ طریقے سے نالے سے نکالا اور کار میں موجود بیمار عورت کو میڈیکل ٹیم نے فرسٹ ایڈ فراہم کرکے ڈسٹرکٹ ہسپتال خار منتقل کیا جہاں شام کو ان کے ہاں بچوں کی پیدائش ہوئی۔