اسلام آباد(نیوز ڈیسک )دائیں بازو کی ہندو مذہبی تنظیم بھارتیہ سوابی مان سنگھ تھن نے ”رادے ماں “پر غیر قانونی جنسی تحریک چلانے کا الزام لگانے پر ماڈل و اداکارہ عرشی خان کی گرفتاری کامطالبہ کر دیا۔بھارتی میڈیارپورٹس کے مطابق جنرل سیکرٹری بھارتیہ سوابی مان سنگھ تھن پرامود جوشی کا کہنا ہے کہ ماڈل و اداکارہ عرشی خان اور ڈولی بندرا کی جانب سے ہندﺅوں کی مذہبی رہنما ’رادے ماں ‘کیخلاف شرمناک الزامات لگانے اور فرقہ وارانہ کشیدگی کو ہوا دینے پرممبئی پولیس کمشنر احمد جاوید کو ان کی فوری گرفتاری کے لئے تحریری درخواست جمع کرا دی ہے۔ انہوں نے کہا کہ عرشی خان کے ’رادے ماں‘پر الزامات بکواس اور بے بنیاد ہیں۔