نیلم (این این آئی)وادی نیلم کے بالائی علاقوں میں برف باری کا سلسلہ جاری ہے،مختلف علاقوں پر برفباری سے سفیدی چھا گئی ہے،اپر گریس، ہلمت،تابٹ،اڑانگ کیل، رشونٹر، سرداری ساناڑ، لوات بالا سمیت مختلف علاقوں میں بارش اور برف باری سے موسم شدید سرد ہو گیا ہے۔نیلم،ضلعی ہیڈکوارٹر آٹھ مقام اور گردونواح کے علاقوں میں موسلادھار بارش کا سلسلہ جاری ہے،بالائی علاقوں میں بجلی اور مواصلاتی نظام کے متاثر ہونے سے شہریوں کو مشکلات کاسامنا ہے۔محکمہ موسمیات کے مطابق بارشوں اور برف باری کا یہ سلسلہ اتوار کی شام تک جاری رہنے کا امکان ہے۔

بلوچستان کے بیشتر بالائی اضلاع میں مطلع جزوی طور پر ابر آلود رہنے کا امکان ہے، کوئٹہ، ژوب، بارکھان، چمن، پشین اور زیارت میں تیز ہواں اور گرج چمک کیساتھ بارش ہوئی۔کوئٹہ میں کم سے کم درجہ حرارت 8 ڈگری سینٹی گریڈ ریکارڈ کیا گیا، قلات میں کم سے کم درجہ حرارت 6اورزیارت میں 2ڈگری سینٹی گریڈ ریکارڈ کیا گیا۔