اسلام آباد (این این آئی)پاکستان میں سولر پینلز کی قیمتوں میں کمی کے بعد اچانک پھر اضافہ ہوگیا۔ تفصیلات کے مطابق موسم گرما سے قبل سولر پینلز کی قیمت 75ہزار روپے سے بڑھ کر 3لاکھ روپے ہوگئی ہے،7کلو واٹ نظام کی قیمت پہلے ساڑھے 8لاکھ روپے تھی جو اب بڑھ کر 9لاکھ 20ہزار ہو چکی ہے،اسی طرح سے 10کلو واٹ کے سولر پینل سسٹم کی لاگت 11لاکھ روپے سے بڑھ کرساڑھے 12لاکھ روپے ہوگئی ہے۔

نئی قیمتوں کے تحت 12کلو واٹ کا ایک سسٹم کی قیمت اب 16لاکھ روپے کاہے، جبکہ اس سے پہلے یہ قیمت 14لاکھ روپے تھی، اسی طرح سے 15کلوواٹ سسٹم کی قیمت بھی 3لاکھ روپے کے اضافے سے 18لاکھ روپے ہو چکی ہے۔