پشاور(این این آئی)وزیر اعلیٰ خیبر پختونخوا کیلئے علی امین ، مشتاق غنی ، تاج ترند کے نام زیر غور ، حتمی منظوری بانی پی ٹی آئی دینگے۔تفصیلا ت کے مطابق ملک کی تمام بڑی جماعتوں نے حکومت بنانے کیلئے جوڑ توڑ کا سلسلہ تیز کر دیا ہے، تحریک انصاف نے بھی خیبر پختونخوا میں حکومت بنانے کے لیے اہم اجلاس (آج)منگل کوطلب کر لیا۔پی ٹی آئی کے ذرائع کے مطابق اجلاس میں صوبے میں حکومت سازی اور وزیراعلیٰ خیبرپختونخوا کے ناموں پر غور کیا جائے گا۔ذرائع پی ٹی آئی کے مطابق علی امین گنڈاپور، مشتاق غنی اور تاج محمد ترند کے نام وزیراعلیٰ کی فہرست میں شامل ہیں۔ذرائع نے بتایا کہ اجلاس کے بعد وزیراعلیٰ کے نام کی حتمی منظوری بانی پی ٹی آئی سے لی جائے گی، بانی پی ٹی آئی سے بیرسٹر گوہر علی اور دیگر وکلاء ملاقات کریں گے جس کے بعد بیرسٹر گوہروزیراعلی کے پی کے نام کا اعلان کریں گے۔