اسلا م آباد(این این آئی)8فروری کو ہونے والے عام انتخابات سے قبل ملک میں پیٹرولیم مصنوعات کی قیمت میں اضافے کا امکان ظاہر کیا جا رہا ہے۔میڈیا رپورٹ کے مطابق پیٹرولیم مصنوعات کی قیمت میں مسلسل کمی کے بعد اس بار نگران حکومت کی جانب سے پیٹرول اور ڈیزل کی قیمت میں اضافے کا قوی امکان ہے۔

رپورٹ کے مطابق نگران حکومت کی جانب سے 31جنوری سے 15فروری تک کیلئے پیٹرول اور ڈیزل کی قیمتوں میں 7روپے فی لیٹر تک اضافہ کیا جا سکتا ہے تاہم اس سے متعلق حتمی فیصلہ اوگراکی تجویز کے بعد کیا جائے گا۔