شاہد کپور اور عالیہ بھٹ پہلی بار ایک ساتھ اسکرین پر اداکاری کے جوہر دکھائیں گے
اسلام آباد (نیوز ڈیسک)بالی ووڈ اداکار، ہدایت کار اور پروڈیوسر کرن جوہر کا کہنا ہے کہ فلم ”شاندار‘ ‘ایک نہایت بہترین فلم ہوگی جو کے ماضی کی رومانوی کہانیوں کی یادیں ایک نئے انداز میں تازہ کرے گی-فلم ’شاندار‘ کا حال ہی میں ایک گانا نزدیکیاں ریلیز کیا گیا جس کے حوالے سے کرن جوہر نے سماجی رابطے کی ویب سائٹ ٹوئٹر پر ٹویٹ کی۔وکاس بہل کی ہدایتکاری میں بنی فلم ’شاندار‘ کو دھرما پروڈکشنز اور فینٹم فلمز کی جانب سے پروڈیوس کیا گیا ہے۔فلم ’شاندار‘ ایک کامیڈی اور رمانوی کہانی پر مبنی ہے جس میں اداکار شاہد کپور اور عالیہ بھٹ پہلی بار ایک ساتھ اسکرین پر اداکاری کے جوہر دکھائیں گے۔فلم”شاندار“ 22 اکتوبر کو سنیما گھروں میں نمائش کے لیے پیش کی جائے گی۔