لاہور ، شجاع خانزادہ پر حملے میں ملوث 4دہشت گرد ہلاک

لاہور(آن لائن ) تھانہ شیراکوٹ لاہور کی حدود میں محکمہ انسداد دہشت گردی فورس کی گھر میں چھاپے کے دوران فائرنگ کے تبادلے میں سابق وزیر داخلہ پنجاب کرنل (ر) شجاع خانزادہ پر حملے میں ملوث 4دہشت گرد ہلاک ہو گئے ہیں ،نعشوں کو شناخت کے بعد پوسٹمارٹم کے لیے بجھوا دیا گیا ہے ۔میڈٰیا رپورٹس کے مطابق جمعرات کے روز محکمہ انسداد دہشت گردی فورس کے اہلکاروں نے حساس ادارے کی اطلاع پر تھانہ شیر کوٹ کی حدود میں قاری سہیل کی گرفتاری کے لیے ایک گھر میں چھاپہ مارا تو گھر میں موجود مسلح دہشت گردوں نے قانون نافذ کرنے والے اداروں کے اہلکاروں پر اندھا دھند فائرنگ شروع کر دی جس پر سکیورٹی فورسز نے بھی بھرپور جوابی کارروائی کی اور فائرینگ کے تبادلے یں 4دہشت گرد ہلاک ہوگئے ، سکیورٹی فورسز نے دہشت گردوں کی شناخت مکمل کرلی ہے ،مرنے والوں کی شناخت امجد ،فیاض ،صدام اور صداقت کے نام سے ہوئی ہے تمام دہشت گرد اٹک میں کرنل(ر) شجاع خانزادہ کے ڈیرے پر حملے میں ملوث تھے اور انکا تعلق حملے کے ماسٹر مائنڈ قاری سہیل سے تھا ،سکیورٹی فورسز نے نعشوں کو پوسٹمارٹم کے لیے ہسپتال منتقل کر دیا ہے ۔

مزید پڑھئے:قلعہ روہتاس۔۔ تاریخ کے آئینے میں

لاہور ، شجاع خانزادہ پر حملے میں ملوث 4دہشت گرد ہلاک

کالم

سنت یہ بھی ہے