تمکور(این این آئی )بھارتی کرناٹک کے تمکور شہر میں ایک دل دہلا دینے والا واقعہ رونما ہوا، جس کے بعد ہر جانب سوگ کی فضا پھیل گئی،بھارتی ٹی وی کے مطابق ایک ہی خاندان کے پانچ افراد اپنے گھر کے اندر مردہ حالت میں پائے گئے اور خیال کیا جارہا ہے کہ مذکورہ افراد نے مالی پریشانی اور مبینہ ذہنی اذیت کی وجہ سے اپنی زندگی کا خاتمہ کرلیا۔

غریب صاحب اور ان کی بیوی سمیہ اپنے کمرے کی چھت سے لٹکے ہوئے مردہ حالت میں پائے گئے، جبکہ ان کے تین بچوں کی لاشیں بستر پر پڑی ہوئی تھیں۔پولیس کا اس حوالے سے کہنا تھاکہ غریب صاحب کباب کی دکان چلاتا تھا، جس میں اسے نقصان کا سامنا کرنا پڑ رہا تھا، خودکشی سے قبل انہوں نے ایک خودکشی نوٹ لکھا اور ایک ویڈیو بھی بنائی، جس میں انہوں نے اپنی مالی پریشانی کا ذکر کیا۔