اسلام آباد (نیوز ڈیسک) الیکشن کمیشن نے پی ٹی آئی کے انٹرا پارٹی الیکشن کو کالعدم قرار دے دیا۔نجی ٹی وی کے مطابق الیکشن کمیشن نے تحریک انصاف کو 20روز میں انٹرا پارٹی الیکشن کرانے کا حکم دے دیا اور 7 دن میں انٹرا پارٹی الیکشن سے متعلق رپورٹ جمع کرانے کی ہدایات دی ہیں۔

فیصلے میں کہا گیا ہے کہ پی ٹی آئی کے انٹراپارٹی الیکشن آئین کے مطابق شفاف نہیں تھے، پارٹی الیکشن نہ کرانے پر انتخابی نشان کیلئے نااہل ہوں گے۔ الیکشن کمیشن نے اپنے فیصلے میں تحریک انصاف کا انتخابی نشان” بلا” برقرار رکھا ہے۔